വാല്മീകി രാമായണം -13

വാല്മീകി രാമായണം -13🔥

രാമ നാമത്തിൽ 'രാ' എന്നത് അഗ്നി 'മ' എന്നത് ശീതളം. പഞ്ചാക്ഷരത്തിലെ 'മ' യും അഷ്ടാക്ഷരത്തിലെ 'ര' യും ഇരിക്കുമ്പോൾ കിട്ടുന്ന ശബ്ദം. രാമ നാമം ഒരിക്കലും നേരിട്ട് ജപിക്കുന്നതിനായി നല്കരുതെന്ന് മന്ത്രശാസ്ത്രത്തിൽ പറയുന്നു. രാമ നാമം ജപിക്കുന്നതിന് മുൻമ്പായി ഒരുപാട് ശിവ നാമം ജപിച്ചിരിക്കണം എന്ന് പറയും. അതി ശീതളം ശിവ നാമം അത്യന്തം ശീതളമാണ് കുളിർമ ഏകുന്നതാണ്. രാമ നാമം ഒരു തീപ്പൊരിയാണ്. അത് ഏതെങ്കിലും ഒരു ദേവന്റെ നാമം മാത്രമല്ല. രാമ എന്നത് ശബ്ദ ബ്രഹ്മം അതറിഞ്ഞു കൊണ്ട് വേണം ജപം ചെയ്യാൻ. അത് പരമാത്മാവിൻ നാമം. നമ്മുടെ ആത്മാവിനെ സ്വരൂപത്തെ കുറിക്കുന്ന നാമം. പ്രണവമാണത്. പ്രണവത്തിൽ 'രെ' ശബ്ദം ചേർന്ന് രാം എന്നായിരിക്കുന്നു. രാം എന്നത് ബീജാക്ഷരം.

ഉത്തര ഭാരതത്തിൽ രാം രാം എന്ന് ചിലർ ജപിക്കാറുണ്ട് അങ്ങനെ ചെയ്യരുത് 'രാമാ' എന്ന് തന്നെ ജപിക്കണം. കാരണം രാം എന്നത് ഹിന്ദിയല്ല ബീജാക്ഷരം ആണ് ജാഗ്രതയോടെ ജപിക്കേണ്ടതാണ്. രാമായണത്തിൽ കാണാം വിശ്വാമിത്രൻ നല്കുന്ന ആയുധങ്ങളെല്ലാം വെറും ശബ്ദങ്ങളാണ്. ജാഗ്രതയോടെ ഉപയോഗിക്കണം.

താരക ബ്രഹ്മം കാശിയിൽ വന്ന് മണികർണ്ണികയിൽ ശരീരത്തെ ഉപേക്ഷിക്കുമ്പോൾ വിശ്വനാഥർ കാതിൽ രാമ നാമം ചൊല്ലുന്നു. ആചാര്യർ നാമഭുജംഗപ്രയാത സ്തോത്രത്തിൽ പറയുന്നു.

യഥാവർണയത്കർണമൂലേന്തകാലേ
ശിവോ രാമ രാമേതി രാമേതി കാശ്യാം
തദേകം പരം താരകബ്രഹ്മരൂപം
ഭജേഹം ഭജേഹം ഭജേഹം ഭജേഹം

ശിവൻ രാമനേ ഭജിക്കുന്നു എന്നല്ല രാം എന്നത് താരകബ്രഹ്മം 'രെ ' ശബ്ദത്തോടു കൂടിയ പ്രണവം. ശുദ്ധ പ്രണവം വേറെ ഉണ്ട്. ആ രാമ നാമത്തെ ഉപദേശിക്കുന്നു ഹൃദയത്തിൽ പരമേശ്വരനും.
എന്തുകൊണ്ടാണ് വസിഷ്ഠൻ രാമ നാമം രാമന് നിർദ് ദേശിച്ചത് കാരണം ആ നാമമായി തന്നെ അദ് ദേഹം ഇരിക്കുന്നു. ആ നാമത്തിന്റെ എല്ലാ ശ്രേഷ്ഠതയും അദ് ദേഹത്തിനുണ്ട്.
രാമോ നാമ ജനൈഹി ശ്രുത:
രാമ നാമത്തെ കുറിക്കുന്ന കഥാപാത്രമാണ് അദ് ദേഹം