വാല്മീകി രാമായണം-6

വാല്മീകി രാമായണം-6📖

♦♦♦♦♦♦♦♦♦♦♦

ഏകാന്തതയിൽ ഇരുന്ന് തപസ്സിന്റെ രുചി അറിയണം അതാണ് സനാഥന ധർമ്മം. ഏകാന്തമായി ഇരുന്നു നിത്യാനുഷ്ഠാനങ്ങൾ ചെയ്തു കൊണ്ട് ഭഗവാനെ സ്മരിച്ച് ജപിച്ചു കൊണ്ടും ഭഗവത് ധ്യാനം ചെയ്തു കൊണ്ടും ജ്ഞാന വിചാരം ചെയ്തു കൊണ്ടും സത് ഗ്രന്ഥങ്ങളെയെല്ലാം പാരായണം ചെയ്തും സമയം ചിലവഴിക്കുന്നവൻ ജീവൻ മുക്തൻ എന്ന് ആചാര്യർ പറയുന്നു.

ശിവാനന്ദ ലഹരിയിൽ പറയുന്നത് ഭഗവത് ധ്യാനം , അഭിഷേകം,പ്രദക്ഷിണം, കഥാ ശ്രവണം, നാമജപം ഇത്യാദി കാര്യങ്ങൾ ചെയ്ത് രാവും പകലും ഈശ്വര പൂജയിൽ ചില വഴിക്കുന്ന ഭക്തൻ ജീവൻ മുക്തനാണ്. ബാഹ്യമായ ഒരു വിഷയത്തിലേയ്ക്കും ചഞ്ചലമായ മനസ്സിനെ വിടാതെ നിർത്തിയിരിക്കുന്നു. കാരണം മനസ്സിന് ബാഹ്യ വിഷയങ്ങൾ അന്നമാണ്. നിരന്തരം ജ്ഞാന നിഷ്ഠയിലിരിക്കുന്ന ജ്ഞാനിക്ക് അതിന്റെ ആവശ്യം ഇല്ല. ചഞ്ചല മനസ്സുള്ള സാധകൻ മനസ്സിനെ ഉയർന്ന തലത്തിൽ വച്ചില്ല എങ്കിൽ അത് താഴ്ന്ന നിലവാരത്തിലേയ്ക്ക് അധപതിക്കും.

വാസിഷ്ഠത്തിൽ പറയുന്നു ശുഭാശുഭാഭ്യാം മാർഗ്ഗാഭ്യാം വഹന്തീം വാസനാസരിത് പൗരുഷേണ പ്രയത്നേണ യോജനീയ ശുഭേ പതി

വാസന ഒരു നദി പോലെ ശുഭത്തിലേയ്ക്കും ഒഴുകും അശുഭ ത്തിലേയ്ക്കും ഒഴുകുന്നു. രാമകൃഷ്ണ പരമഹംസർ പറയുന്ന പോലെ ഈച്ച മൈസൂർ പാക്കിലും ഇരിക്കും മലത്തിലും ഇരിക്കും. ഇതുപോലെ മനസ്സ് ചില സമയങ്ങളിൽ ഭക്തിയിലും ഭഗവത്പൂജയിലും ഇരിക്കുന്നു അതിനുശേഷം tv യിലും മറ്റു ഉല്ലാസങ്ങളിലും ഏർപ്പെടുന്നു.

യഥാർത്ഥ ജീവൻ മുക്തരുടെ പൗരുഷം അവരുടെ മനസ്സും ശ്രദ്ധയും ഭഗവത് കാര്യങ്ങളിൽ മാത്രം പായിച്ചു ഭഗവത് സാധനകൾ പരീശീലനം ചെയ്തു കൊണ്ടിരിക്കുന്നതിൽ ആണ്. അങ്ങനെ ചെയ്യുന്നത് ഒരു തപസ്സാണ്.